रात्र

*रात्रीच्या शांततेत,*

*तुझे नाव गुणगूणताना,*

*वाऱ्यातील एक कुजबुज,*

*एक थंडगार झुळूक...*

*शांततेतून जाणीव होणारी* 

*मैलो अंतरावर असणारी तु* 

*तू माझ्या श्वासात,* 

*माझ्या धडधडणाऱ्या हृदयात..* 

*तुझ्यावर मनापासून प्रेम केले,* 

*जे काही देऊ शकलो त्याच्यासह,*

*जगता जगता आयुष्याने मात्र वेगळे केले,* 

*जगणे कठीण केले...* 

*एकत्र जगलेले क्षण,* 

*किती मौल्यवान, पण किती कमी,*

*त्यांची केलेली जपवणूक* 

*पण तरीही गमावण्याची धास्ती मनात ..* 

*माझ्या त्या शांततेबद्दल,* 

*न बोललेल्या शब्दांबद्दल माफ करशील मला,*

*ज्या ज्या वेळी मी तुला अपयशी ठरवले,* 

*त्या तुझ्या अश्रूंसाठी...*

*कुठलेच कारण नसताना* 

*निर्माण झालेल्या त्या अंतराबद्दल,* 

*अवकाश म्हणत म्हणत* 

*जणू काही आकाशा एवढी पोकळी निर्माण करण्याबद्दल* 

*माफ करशील मला*

*अदृश्य गोंधळात हरवलेल्या प्रेमाबद्दल...* 

*पुन्हा लिहूया,*

 *नव्याने* 

*शब्दाने*

*रंगाने...*  

*प्रकाशाकडे परतण्याचा मार्ग शोधूया..*