माझं मन नकळत चोरणारी,
डोळ्यांत पाहताच विचार विसरायला लावणारी…
ती हसली की काळ थांबतो,
आणि न बोलताही
माझ्यावर प्रेमाची हुकूमत गाजवते…
माझ्या शब्दांवर नाही,
तर माझ्या शांततेवर
हक्क सांगणारी ती…
ती माझी कमजोरीही आहे
आणि माझी ताकदही,
माझ्या आयुष्यावर
माझ्याही नकळत
हळूच राज्य करणारी .. ती…
ती...
माझ्या श्वासांत
नकळत मिसळलेली,
डोळे मिटले तरी
समोर उभी राहणारी…
तिच्या एका नजरेत,
तिच्या हसण्यात
अख्खं जग सामावलेलं …
तिची माझ्यावर प्रेमाची हुकूमत
आदेशांनी नाही,
स्पर्शांनी,
मौनाने,
आणि काळजावर उमटणाऱ्या
अदृश्य सहीने …
मी हरवतो तिच्यात
इतका की उरत काहीच नाही—
तीच श्वास,
तीच धडधड,
आणि तीच…
No comments:
Post a Comment