भावनांच्या भोवऱ्यात

नाराज आहे तुझ्यावर  मी,

संतापाची ही लाटही वाहते;

तरीही अबोल या क्षणांमधे,

तुझ्याच एका हाकेची आस का उरते?

कधी उफाळून येतो हा राग मनी,

कधी एकांताचे दुःख मला छळते;

प्रेमात इतकी का लाचार व्हावे?

माझ्या भावनांचे मोल तुला का न कळते?

कळत असूनही दूर राहणे तुझे,

अधुरे प्रयत्न मनाला रोज खुपतात;

तरीही का सुटत नाही हा गुंता?

विचार तुझे का मनातून जात नाहीत?

माझ्या या भावनांचा तूच अंत कर,

ह्या मनस्वी जाळ्यातून आता तरी मला मुक्त कर!