किती वेळ वाट बघायची मी…
ह्या ऋतूत पाऊस थांबण्याचे नाव घेत नाहिये कदाचित आपण भेटू ही आशा त्यालाही असेल का पावसाचे थेंब खिडकीवर ओथंबलेले पण तुझी पाऊलखूण दूरवर सुद्धा नाही…
मनातही ओल वाढलीये,
बाहेरसारखीच…
फरक एवढाच—
तिथे पाऊस आनंद देतोय
इथे तो प्रश्न विचारतोय.
रात्र सरायला तयार नाही,
कारण संवाद अडकलेत
आपल्या दोघांच्या मध्ये...ते पूर्ण करायला तरी ये .
स्वप्नंही आता बुचकळ्यात पडलेत. खरंच का तू फक्त तिथेच असतोस?
माझच हसू माझ्याशी बोलतं—
“अर्धवट का जगतेस?
पूर्ण का नाही हसत?”
आणि मी पुन्हा त्याच प्रश्नासमोर—
किती वेळ वाट बघायची मी?
- ऋतुजा
No comments:
Post a Comment