तुझी ओढ

का तुझी ओढ इतकी राणी कळत नाही

का तुझ्या आठवणीनेही मन भरत नाही ...

तुझा मंजुळ आवाज हृदयापलीकडे जातो

तरी ऐकण्याची तृष्णा मात्र भागत नाही ...

प्रत्येक श्वासागणिक तू जवळ येत आहेस

तरी मन माझ विचारण्यास धजत नाही ...

मनचक्षूंनी तुला नखशिखांत पाहिलंय

तरी डोळ्यांनी बघण्याची इच्छा जात नाही ...

नेईन म्हणतो तुला क्षितीजापलीकडे

पण अंतर आपल्या दोघातलं सरत नाही .

चिरंतन टिकणारा एखादा वाटवृक्षच असेल

पाण्याच्या शोधात खोल भूगर्भात जाणारी मुळे असोत  

प्रकाशाच्या शोधात उंचच उंच जाणारी झाडे असोत 

प्रकाशात न्हाऊन निघून अंधार जसा दूर व्हावा 

पहिल्या वाहिल्या प्रेमाच्याच शोधात असणाऱ्या मला

 

जणू काही पावसातच चिंब भिजवणारी  तुझे प्रेम 

वटवृक्षासम मम चिरंतन भासणारे तुझे प्रेम 

जीवनास नवा आयाम प्राप्त करून देणारे तुझे प्रेम 

निसर्ग सौंदर्याने नटलेलली तू अन तुझे प्रेम 

नसतेस तेव्हा जणू काही समुद्रा काठची भयावह शांतता

पण तरीही असणारे तुझे प्रेम

आरशात प्रतिबिंबित

व्हावे असे तुझे रूप नाही

देहाचा सुगंध तुझ्या

कस्तुरीलाही पेलणार नाही

तुझ्या भेटीचा आनंद

मनातही मावेना

पापण्या उघडणे शक्य नाही

भीती वाटते आनंद कुठे ओसंडू नये

..

तू...

*इथे किंवा तिथे*

*दोन्ही जगांत तुझ्या प्रेमात हरवलेला मी*

*पाहतो आहे*

*निर्जन असलेला, अथांग पसरलेला* 

*भयावह सौंदर्याचा आभास असलेला* 

*उदास झालेला तो समुद्र .....* 

*तु नाहीस म्हणून वसंतात ही हिरमुसलेला तो ..* 

*कुठला तरी गुन्हा करावा मुद्दामहून*  

*संधीही मिळाली* 

*तुझे नि माझे धाडस* 

*हृदयाशी आहे कवटाळून*

*तुझ्या आठवणीत* 

*रमलेल्या मला* 

*जणू काही जगाने ही* 

*ओळख द्यायला बंद करावी   ........* 

*आज चुकूनच हसू आलं ओठांवर* 

*आठवणीत तुझ्या* 

*पिळवटून टाकणाऱ्या हृदयाबद्दल*

*विचारू नको ...*

मी आणि पाऊस

आज तू भेटलास

कित्ती दिवसांनी...

ह्या आधीही बरेचदा दिसलास..

दुरून दर्शन देऊन जात होतास जणू....

मला विचारत होतास जसा...

विसरलीस का मला..

दुरून मला बघून ही

 न्याहाळत होतास मात्र जवळून..

आणि शांत होतास...

आज मी सैरभैर असताना...

आलास च मला भेटायला...

आणि भेट झाली थेट..

अगदी गळा भेट..

चिंब भिजवून जणू शांत करायला आलास..

आज तो मला भेटला..

तो...मी आणि पाऊस.

Women's Day

Women's Day is celebrated on 8th March every year all over the world. Every year new theme which is applicable or rather needed for the women.

This year's theme is "InspireInclusion"!!

What InspireInclusion Means?

• For me InsprireInclusion means inspire others to get women included in every aspect of roles and responsibility. Be it work, home or surrounding.
• Inspire to think which is not based on bias, stereotype and discrimination.
• Inspiring inclusion to me is being able to create an environment in which everyone is valued, respected and included. Appreciating the unique perspectives, experiences and contributions that each individual brings to the table.
• Being a woman, inspire other women to value themselves, spend quality time for their entertainment, take care of their health, take responsibility for their parents equally along with their in laws and think for self.

Is it so hard? 

However I wonder why do we need theme every year? Is it because women don't get justice for the work they are doing?

2023 it was #EmbraceEquity

2022 it was #BreakTheBias

2021 it was #GenerationEquality

2020 it was #EachForEqual

2019 it was #BalanceForBetter

Every year UN try to inspire and follow theme for Women's Day so that women should get equality , respect and get appreciated for the work they are doing.

I hope this theme works for the betterment of women.

Happy Women's Day 😃

Srujan...

Srujan....today you are completing 18 years of your life and entering into a very different but nice , challenging but enjoyable phase of life !!

 

On this special day , I have very different feeling.. may be all mothers will be having this feeling whose first child turns 18!

In fact first child's every word, step, move, milestones , achievements, success and even failures are special.

तुझा पहिला शब्द ते आत्ता तू देतोस ते elocution, MUN किंवा debate चे speeches ...

तुझा बाल शिवाजी चा पहिला स्टेज परफॉर्मन्स असो किंवा तुझी feature film ...

तुझी पहीली running race असो किंवा फुटबॉल , बॅडमिंटन मध्ये मिळवलेले तुझे प्रावीण्य...

आम्ही तुझी काळजी घेता घेता तू स्वराली चा दादा बनून  अगदी लहान वयात तिची काळजी घ्यायला लागलास आणि मोठा झालास... 

लहानगा गोंडस मनी ते देखणा , समजूतदार सृजन ...

हा तुझा प्रवास बघतांना तू आम्हाला अमाप आनंद दिला आहेस ...

तुझा निरागसपणा जपत तू तुझ्या नम्र आणि  आदरयुक्त स्वभावाने सगळ्यांचे मन जिंकतोस...

We are so happy that you have turned into such a mature , talented , responsible gentleman...

We feel ouyselves lucky to have you as a Son!!

As I always say...I will repeat it today too..

You are my sunshine, my only sunshine..you make me happy and Proud.

You'll never know dear how much I love you...

Happy 18th beta!!

देवबाभळी

देवबाभळी...दोन बायकांची गोष्ट!

बायकांच्या गोष्टी , व्यथा, कथा सगळेच मांडतात...मग ते पुस्तक असो, चित्रपट असो नाटक असो किंवा मालिका.

पण देवबाभळी वेगळं का आहे.. एवढ्या पारितोषीकांच मानकरी का ठरलंय किंवा मराठी नाट्यसृष्टीतील mile stone नाटक का ठरलंय हे जाणून घेण्यासाठी नाटक बघणे फार गरजेचं आहे.

१. दोन बायका, त्या ही थोर पुरुषांच्या (!). पुरुष की देवमाणूस..की देव च!!

होय....एक संत तुकाराम ह्यांची गर्भवती बायको अवलि आणि दुसरी खुद्द रखुमाई..विठ्ठलाची बायको.

२. दोघींची दुःख वेगळी...दोघींचं मन वेगळ्या गोष्टीसाठी झुरतय...दोघींची परिस्थिती वेगळी...पण नाटकाअंती ह्या दोघी एकमेकींना बरच काही शिकवून जातात....एकमेकींची दुःख कळत नकळत कमी करण्याचा प्रयत्न करतात.... एकमेकीकडून काहीतरी घेऊन जातात...

३. संत तुकारामांचे अभंग ह्या दोघीही ह्या नाटकात वेळोवेळी संदर्भासहित गातात आणि ते रेकॉर्डेड नाही तर प्रत्यक्ष स्टेज वर गातात..तबला, पेटी ह्यांची साथ ही त्यांना असते. हा एक विलक्षण अनुभव.काय ते पाठांतर , काय तो आवाज आणि सुर.

एका scene मध्ये भाकरी थापत असते रखुमाई ..त्या सुद्धा खऱ्या थापताना आणि चुलीवर भाजतांना दाखवल्या आहेत.

४.ह्या दोघीही इतक्या थोरांच्या बायका ..सगळी जनता त्या दोघांनाही केवळ पुजते...पण ह्यांची दुःख कोणापर्यंत पोचली नाही..त्या उलट.. अवली ला संत तुकारामांचे पांडुरंगमय होणे कधी उमजलेच नाही हे च आपण ऐकत आलोय. पण ह्या नाटकात आपल्याला अवली ची बाजू बघायला मिळते..आणि तिच्या दुःखात आपण एकजीव होऊन जातो.

५. अवली बरोबर च रखुमाई च दुःख ही आपल्याला कळत..ह्या angle ने मी आत्तापर्यंत कधीच विचार केला नव्हता....

पण ते दाखवायचं, आपल्या पर्यंत पोचवायचे धाडस लेखक, दिग्दर्शक प्राजक्त देशमुख ने केलंय. मनापासून आभार आणि कौतुक ह्या युवा दिग्दर्शकाचे....

६. ह्या दोघींच्या तोंडी असलेले अभंग, त्यांचे संवाद ऐकून नकळतपणे आपले  डोळे अनेक वेळा पाणावतात...आणि असे वाटून जाते की कोणताही काळ असो...कोणाचीही बायको असो..कितीही मान असो ...बायकांचे दुःख समजून घेणे फार कठीण !!!!!

७.अभिनयाबद्दल तर काय बोलावे..ह्या दोघींनी सुरेख कामे केली आहेत. अवली झालेली शुभांगी पूर्ण नाटक..पायाला देवबाभळीचा काटा रुतलेला म्हणून लंगडत आणि अंगठा वर करून चालते...९० मिनिटा पैकी ८० मिनिट ती अशीच दाखवली आहे आणि तिने ते कठीण काम लीलया पेलले आहे.

८.ह्या नाटकात इंद्रायणी नदीचे ही खूप महत्त्व आहे..जणू एका व्यक्तिस्वरुप...

इंद्रायणी नदीच्या पाण्याचा आवाज अगदी  प्रेक्षकांपर्यंत पोचतो जणू काही खरेच आपण नदीवर आहोत.

९. कथा, दिग्दर्शन, संगीत, अभिनय, नेपथ्य सगळंच अगदी जमून आलंय...जमून काय सर्वोत्कृष्ट झालंय...

१०.अजून खूप काही मनात आहे .सतत हे नाटक, त्या दोघी मनात रुंजी घालत आहेत पण सारेच शब्दातीत करणे कठीण....

देवातील माणूस आणि माणसातील देव सापडतील असे हे नाटक.

देवबाभळी टीम आणि मराठी नाट्य संस्कृती ला माझा सलाम !!!

Must watch...

पण तरीही..

पण तरीही...

शुभ रात्री आणि good morning चा रोज पाऊस पडतो सगळीकडे

पण त्यात तुझं सुप्रभात नसेल तर किती बेचैनी होते

तर तू रोज सुप्रभात पाठवच

माझं तुला असं नुसतं कॉफी साठी भेटून समाधान नाही होणारे

तुझं ही नाही होणारे हे तुलाही माहितीये

पण तरीही तू भेट

उगीच असं लांब लांब बसण्यात 

काही मजा नाही बघ

हातात हात गुंफता येत नाहीत

की खांद्याला खांदा भिडवून बसता येत नाही

पण तरीही तू भेटच

हे नुसतं चॅटिंग करून 

उगीच आभास निर्माण होतो जवळ असल्याचा

आणि चॅटिंग संपल्यावर फुगा फुटावा आणि हवा विरून जावी असं होत

पण तरीही तू व्यक्त हो

फोनवर प्रत्यक्ष बोलून समाधान होत नाही

तुझं मला दटावण ही आठवत राहतं

"मला फोनवर अश्या आवाजात आर्जव करायची नाहीत"

तेव्हा राग येतो, 

पण कळत असत की आर्जव करूनही भेटू शकत नसल्याने 

तुझ्या ही मनात किती खळबळ माजत्ये ते

पण तरीही तू दटाव मला

हे सगळं सगळं करूनही

माझ्यासाठी जी छान छोटीशी जागा तयार केली आहेस न तुझ्या जगात

ती तशीच ठेव

मला आणि माझ्या आठवणींना 

तशीही छोटीशी कुपी एवढी जागा पुरेशी आहे तुझ्या आयुष्यात सुगंध भरायला

अट मात्र एकच

ती कुपि उघडी ठेव, दरवळू दे तिचा सुवास

हवाहवासा, रोज थोडा थोडा पसरणारा,

मोहक

© मेघा